موضوع مهم جددددددددددا ارجو من الجميع ان يشارك

حب النت والشات حقيقه ام خيال
فى بنات وشباب بيقولوا انا حبيت الولد الفلانى من على النت والولد نفس الحجايه
انا حبيت البنت الفلنيه تقوله عرفتها منين شفتها امته اخت مين يقولك لا دى من على النت


انا عوزه اسال سؤال
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هو ب الفعل فى حاجه اسمها حب بين اتنين على النت او الشات ؟
ممكن الحب ده يعيش ؟
ممكن يجوزه ؟
اسئله كتير واكيد الموضوع ده انتوا عارفينه واكيد ناس اصحابكم عمله كده
ان مكنتش انت حصل معاك كده فى يوم من الايام او عايش فى الحجايه
دى حاليه

ممكن تقولولى يا بنات ويا شباب ايه رايكم فى الموضوع ده عشان هو ب الفعل منتشر بشده الايام دى


وشكرا لحسن استمعكم


دع
الحب
يعيش
طويلا

ليه عوده ان شاء الله تاني ارد على المووضع

بصراحه كده انا عايز اقول حاجه هو طبعا مفيش حاجه اسمها حب على الشات وبجد ده مستحيل طيب ممكن حد يسالني امال ايه ايه اللي بنحس بيه صدقيني بجد ده وهم يعني افضلي قولي انا بحب فلان وفكري فيه كتير بجد هتحبيه وياريت لما تبداي الفكره دي ابداي بيا انا هههههههه اوكى بس صدقيني ده وهم اوكى يلا باااااااااي

انا بعتبر حب النت ده مجرد تعود لاشيئ

انا كنت زمان اقوات ككنت بعتبرو حب فعلا والحب عباره عن مشاعر صادقه

بس نظرتي مع الايام اختلفت بقيت احس ان في الاصل هوه تعود على الانسان اللي دايما ليك كلام معاه

ولو تخيلت مثلا معايا ان انت بتحب حد في دوله تانيه او قاره تانيه غير اللي انت فيها من الاساس

شوف بقى بعد المسافه قد ايه مابين بحار وسهول وانهار وجبال وصحاري

وعن طريق شاشه حديد واسلاك كده يبقى حبيت

الحب هوه المواجهه مابين قلبين يكونو قدام بعض في الحياة الواقعيه اللي احنا فيها

تبادل مشاعر صادقه بالافعال مش بالكلام
والنت ده اكبر طريق للكلام
بس للاسف مفيش افعال

وطبععا كللللللللل الناس متفقين ان الحب فعل
وهيه دي النتيجه اللي عاوزه اوصلهلكم



وشكرا

ايه الكلام الجامد ده يا معلمه يا كبيره اوي هههههههه

اهو بقى شكلي نسخاه من حته تانيه

حب النت وهم كبييييييير .... ممكن من النت .. تعارف .. صداقة .. تبادل افكار ... تفاهم ... اى حاجة ممكن تصورها ... لكن حب .... لالالالالالالالالالالالالالالالالالالالالا

و هذا رايى

والله من رايى ياجماعه ان النت وسيله للتعارف زيها زى اى وسيله تانيه احنا احيانا بنقابل ناس منعرفهاش ولما بنقعد معاها احيانا بنصدقها واحياانا لا احيانا بيكدبوا واحنا مش عارفين واحيانا لا صادفنا كتير حد بيحب حد وكان بيمثل الحب عليها تمام اوى وكان بيخدعها من وراها وهى كل ده مصدقاه زى مافيه الحلو فيه الوحش اهو النت كده برده احيانا بنصدق الى احنا بنكلمه واحيانا لا بس انا من رايى سواء نت او مش نت الناس كلها اتغيرت اوى وبقوا ناس تانيه خالص غير الى كنا نعرفهم بقينا عايشين فى غابه الطيبن فيها بيتاكلوا اكل والوحوش هى الى فوق بقينا فى زمن الخيانه والغدر والكره والحقد مابقاش فيه حاجه اسمها حب بجد او حب حقيقى نادرا مابنلاقيه ده تعقيبى على حب النت مجرد وسيله للتعارف زيها زى اى وسيله للتعارف ومعلش يعنى لو هنقول انه للصداقه وبس ماهى الصداقه زيها زى الحب محتاجه تعارف وموده امال ازااى الاسم انك صحبتى عشان كده بقول ان النت وسيله عاديه جدا زيها زى اى وسيله اخرى تقربنا وتعرفنا بناس جديده ناس اكيد لو عرفناهم هنحبهم اوى زى ماانا حبييت صحبتى اوى والى زعلنى ردها على الموضوع ده وايكد هى عارفه نفسها وشكرا

وده رايى الشخصى الحب بيجى فى اى مكان واى زمان سواء نت ولا مش نت واحب اقول كمان يوم ماتلاقى حد بيحبك اوى متضيعوش من ايدك وشكرا على السؤال وده رايى الشخصى ومرسيه ياسمسمه

لا يا جماعة انا شايفة ان حب النت دا مجرد لعب عيال
وانا شوفت تجارب كتير حصلت قدامى وكلها كانت بتثبت انه كله لعب عيال وتسلية ووقت فراغ بيضيعوه سوا
للاسف البنت ف الحالات دى بتكون مصدقة اوى والشاب بيستغل سذاجتها وعدم خبرتها
المهم ان مفيش تعارف عن طريق النت اكيد فى حاجات كتير اوى هتستخبى هتقولو ماهما هيتقابلو
ودا يبقى طبعا اكبر غلط وندخل بقى ف مشاكل تانية
وانا عن نفسى شايفة ان النت مكان للتعارف وتبادل المعلومات ليس الا

صحيح فعلا زى روح قلبي قالت